ВО СЛАВА НА СЕНКИТЕ

Една од основните човекови потреби е потребата за живеалиште, додека пак еден од централните човекови чинови е чинот на населување, на меѓусебно поврзување со место на планетата кое ни припаѓа нам, и на кое ние му припаѓаме, макар тоа било и привремено. Ова не е лесен чин (како што потврдуваат ненаселените места, или оние кои се ненаселиви, раштркани по градовите, но и не само таму), особено во денешницата полна со превирања. Затоа ни е потребна помош, потребни ни се сојузници во процесот на населување.